එයාගෙ මූනෙ එක එක හැඟීම් ඇඳිලා නැති වෙලා යන හැටි මම බලන් ඉන්නවා. සමහර හැඟීම් හරිම සැහැල්ලුයි, කෙටියි. ඒත් සමහර ඒවා හරි බරයි, දිගුයි. මම චිත්රශිල්පියෙක් වුනා නම් එයාගෙ මූණෙ ඇඳෙන හැම හැඟීමක් ම එකිනෙකට වෙනස් රේඛා වලින් සුදු කොළයක අඳින්න තිබ්බා කියලා හිතෙනවා. ඒත් මo චිත්ර ශිල්පියෙක් නෙවෙයි, නිරීක්ෂකයෙක් එහෙමත් නැත්නම් බලන් ඉන්න ආසා කරන මනුස්සයෙක් විතරයි. එයාගෙ මූණෙන් පේන්නෙ එයාගෙ හදවතේ ඇති වෙලා නැති වෙලා යන සoකීර්ණ හැඟීම් සමුදායක එක්තරා විදිහක පිළිබිඹුවක් බව මට දැනෙනවා. එයාගෙ අතින් වත් අල්ලන්නෙ නැතුව එයාගෙ ඇස් දිහා බලාගෙන විතරක් ම ඉන්න පුලුවන් නම් කොච්චර දෙයක් ද කියලා මට හිතෙනවා. ඒත් හැමදෙයක් දිහා ම බලාගෙන විතරක් ඉන්න එක හැමදාම කරන්න බැරි බවත්, ඒ දේවල් එක්ක එකතු වෙන්න ඕන බවත් එයාගෙ ඇස් මට කියනවා.
Friday, December 4, 2015
බලා හිඳීම
Posted on
11:58 PM
by
Aswinda
එයාගෙ මූනෙ එක එක හැඟීම් ඇඳිලා නැති වෙලා යන හැටි මම බලන් ඉන්නවා. සමහර හැඟීම් හරිම සැහැල්ලුයි, කෙටියි. ඒත් සමහර ඒවා හරි බරයි, දිගුයි. මම චිත්රශිල්පියෙක් වුනා නම් එයාගෙ මූණෙ ඇඳෙන හැම හැඟීමක් ම එකිනෙකට වෙනස් රේඛා වලින් සුදු කොළයක අඳින්න තිබ්බා කියලා හිතෙනවා. ඒත් මo චිත්ර ශිල්පියෙක් නෙවෙයි, නිරීක්ෂකයෙක් එහෙමත් නැත්නම් බලන් ඉන්න ආසා කරන මනුස්සයෙක් විතරයි. එයාගෙ මූණෙන් පේන්නෙ එයාගෙ හදවතේ ඇති වෙලා නැති වෙලා යන සoකීර්ණ හැඟීම් සමුදායක එක්තරා විදිහක පිළිබිඹුවක් බව මට දැනෙනවා. එයාගෙ අතින් වත් අල්ලන්නෙ නැතුව එයාගෙ ඇස් දිහා බලාගෙන විතරක් ම ඉන්න පුලුවන් නම් කොච්චර දෙයක් ද කියලා මට හිතෙනවා. ඒත් හැමදෙයක් දිහා ම බලාගෙන විතරක් ඉන්න එක හැමදාම කරන්න බැරි බවත්, ඒ දේවල් එක්ක එකතු වෙන්න ඕන බවත් එයාගෙ ඇස් මට කියනවා.
Categories:
Fantasy
|
Leave a comment
Saturday, October 3, 2015
"ග්වයිරා ග්වන්තනමේරා"
Posted on
11:37 PM
by
Aswinda
කියුබාවේ අනන්යතාවය පෙන්නුම් කරන සoකේතයක් තරමට ජනප්රිය වෙච්ච "ග්වන්තනමේරා" ගීතයේ නමින් 2001 අවුරුද්දෙදි එක්සත් ජනපදයේ ෆ්ලොරිඩාවේ නිෂ්පාදනය කෙරුනු "ග්වන්තනමේරා සුරුට්ටු" ලෝකෙ පුරාම ජනප්රිය වෙන්නත් වැඩි කාලයක් ගත වුනේ නැහැ. මධ්යම කියුබාවේ "ග්වල්තා අරීබා" ප්රදේශයේ වැවෙන දුම්කොළ වලින් හදන "ග්වන්තනමේරා සුරුට්ටු" බිබී "ග්වයිරා ග්වන්තනමේරා" සින්දුව ගායනා කරන බොහීමියානු තරුණයො ලෝකෙ පුරා ම හැම නගරෙක ම වගේ දකින්න පුලුවන් වුනා.
"Guantanamera, guajira guantanamera
Guantanamera, guajira, guantanamera
Guantanamera, guajira, guantanamera
Yo soy un hombre sincero, de donde crece la palma
Yo soy un hombre sincero, de donde crece la palma
Y antes de morir yo quiero cantar mis versos del alma"
"ග්වන්තනාමෝවේ තරුණිය, ග්වන්තනාමෝවේ තරුණිය..Yo soy un hombre sincero, de donde crece la palma
Y antes de morir yo quiero cantar mis versos del alma"
මා අවන්ක මිනිසෙක්, පාම් ගස් වැවෙන ප්රදේශයක සිට පැමිණෙමි
මා හොඳ හදවතක් ඇති මිනිසෙක්, පාම් ගස් වැවෙන ප්රදේශයක සිට පැමිණෙමි
මා මිය යාමට ප්රථම, මාගේ ආත්මයේ ගීය ලියා තබනු කැමැත්තෙමි.."
Categories:
Story
|
Leave a comment
Tuesday, August 4, 2015
මතකය
Posted on
9:21 AM
by
Aswinda
අපි හැම කෙනෙක්ගෙ ම ජීවිත වල අපි ගොඩාක් සතුටෙන් හිටපු, ආදරේ කරපු, ජීවිතේ විඳපු අවස්ථා තියෙනවා. ඒ අවස්ථාවල් එක්ක බැඳුනු මතකයන් අපේ හිත් ඇතුලෙ තවත් දාහක් දේවල් වලට යට වෙලා අපිත් එක්ක ම ජීවත් වෙනවා. ඒ මතකයන් අපේ ඇතුලෙ ජීවත් වෙනවා කියලා අපිට දැන්නෙවත්, හිතෙන්නෙවත් නැහැ. ඒත් එකෝමත් එක දෙයක් දැක්කාම, ඇහුනා ම, පෙනුනා ම හිටි හැටියෙම අර මතකයන් ආයෙත් උඩට එනවා. අපිට එතකොට තමයි හිතෙන්නෙ "සන්තානම් මෑණියනේ, මේ ඔක්කොම මට අමතක වෙලා නෑ නේද? " කියලා.
උතුරු ඉතාලියට ගින්දර වගේ හිරු රැස් වැටෙන ගිම්හාන කාලෙ ඉවර වුණා ම එන සරත් කාලෙ මැද දවස් වෙනකොට කොළ පාටට ලස්සනට තිබ්බ ගස් ඔක්කොම කහ පාටට, එහෙමත් නැත්නම් තැඹිලි පාටට හැරෙන්න ගන්නවා. දුඹුරු පාට වේලිච්ච කොළ ගස් වලින් වැටිලා පාරවල් දිගේ හුළඟට ගසා ගෙන යන්න ගන්නවා. එහෙම හුළඟයි, වියළි කොළයි, එක්ක වැඩිය වාහන නැති අතුරු පාරක් දිගේ මම ඇවිදගෙන යනවා. එතකොට සරත් කාලෙ හැම දවසක ම සිද්ද වෙනවා වගේ පිණි වැස්සක් වැටෙන්න ගන්නවා. ඒත් එක්ක ම පොඩි හීතලකුත් දැනෙන්න ගන්නවා. එතකොට මo හීතලෙන් බේරෙන්න මම අතේ දාගෙන ආපු සැහැල්ලු ජැකට් එක දාගන්නවා. ඒ දැනෙන උණුසුමට ගල් වෙලා තියෙන මගේ සිතුවිලි ඔක්කොම දිය වෙන්න ගන්නවා.
තවදුරටත් ම ඉන්නෙ යුරෝපයෙ නොවෙයි, කොළඹ නගරෙ එක්තරා මාවතක කියලා මට දැනෙන්න ගන්නවා. කාලෙත් අවුරුදු කීපයක් අතීතෙට ගිහින් වගේ. ඒත් මේ වගේම පොද වැස්සක් තියෙනවා. සායම් ගියපු තද නිල් පාට ඩෙනිම් කලිසමකුයි, ඔඩෙල් ටීෂර්ට් එකකුයි ඇඳලා, ස්ලිපර්ස් දෙකක් දාගෙන, පොද වැස්සෙන් බේරෙන්න පාරෙ අයිනෙ තියෙන ගහක් යටට වෙලා මo ඉන්නවා. ලොකු ලොකු මෝටර් රථ, බස්, මීටර් ටැක්සි එක්ක තව දහස් ගාණක් මිනිස්සු මාව පහු කරගෙන යනවා. ඔය අතරින් එක පාරටම එයා මතු වෙනවා. කලු පාට ඔෆිස් වෙයා එකක් එයා ඇඳගෙන ඉන්නෙ. එයා ඇවිත් මට ටිකක් එහායින් නතර වෙනවා. මා දිහා බලලා ලාවට හිනා වෙනවා. ඒත් කටින් නෙවෙයි, මූනෙන්, ඇස් දෙකෙන්. මට මහා පුදුම සතුටක් දැනෙනවා...
එදා ඒ අවුරුදු ගාණකට කලින්, වැහි පොද අතරින් දැනුන සතුට අවුරුදු ගාණකට පස්සෙත් ඒ විදියටම චුට්ටක් වත් අඩු නැතිව දැනෙන්නෙ කොහොමද කියන එක නම් මට තේරෙන්නෙ නැහැ.
තව අවුරුදු ගාණක් ගිහිල්ලත්, වැහි පොද අතරින්, ඒ හිනා වෙන ඇස් මැවිලා මේ සතුටම දැනෙයි කියලා මට හිතෙනවා.
උතුරු ඉතාලියට ගින්දර වගේ හිරු රැස් වැටෙන ගිම්හාන කාලෙ ඉවර වුණා ම එන සරත් කාලෙ මැද දවස් වෙනකොට කොළ පාටට ලස්සනට තිබ්බ ගස් ඔක්කොම කහ පාටට, එහෙමත් නැත්නම් තැඹිලි පාටට හැරෙන්න ගන්නවා. දුඹුරු පාට වේලිච්ච කොළ ගස් වලින් වැටිලා පාරවල් දිගේ හුළඟට ගසා ගෙන යන්න ගන්නවා. එහෙම හුළඟයි, වියළි කොළයි, එක්ක වැඩිය වාහන නැති අතුරු පාරක් දිගේ මම ඇවිදගෙන යනවා. එතකොට සරත් කාලෙ හැම දවසක ම සිද්ද වෙනවා වගේ පිණි වැස්සක් වැටෙන්න ගන්නවා. ඒත් එක්ක ම පොඩි හීතලකුත් දැනෙන්න ගන්නවා. එතකොට මo හීතලෙන් බේරෙන්න මම අතේ දාගෙන ආපු සැහැල්ලු ජැකට් එක දාගන්නවා. ඒ දැනෙන උණුසුමට ගල් වෙලා තියෙන මගේ සිතුවිලි ඔක්කොම දිය වෙන්න ගන්නවා.
එදා ඒ අවුරුදු ගාණකට කලින්, වැහි පොද අතරින් දැනුන සතුට අවුරුදු ගාණකට පස්සෙත් ඒ විදියටම චුට්ටක් වත් අඩු නැතිව දැනෙන්නෙ කොහොමද කියන එක නම් මට තේරෙන්නෙ නැහැ.
Categories:
Love
,
Memories
|
Leave a comment
Saturday, April 11, 2015
ඡායා
Posted on
12:24 AM
by
Aswinda
ඡායා
තරු කැට වන් නිල් දෙනයන
කලු අහසින් මගෙ යහනට වැඩියාදෝ?
රෑ කලුවර අතරේ නුඹ සැඟවුනිදෝ?
මගේ කුමාරියේ..
තුන්යම රෑ මැදියම මම
නුඹ එනකන් එක සිහිනෙක
තනි වී සොයමින් ඔය රුව
හෙලූ සුසුම් දැනුනා දෝ?
ඡායා.. ඡායා..
ඡායා.. මගේ ආදරී
ඡායා.. මගෙ දෙව් දූ
ඡායා මගේ ආදරී..
මා මැවු සිහිනේ පෙම් මන්දිරේ
හිමිකාරියේ
බිඳ දමා කඩා සිහිනේ ඇයි ගියේ
ආදරේ ඔයාටමයි නේ කෙල්ලේ
හිරු බැස සඳු නැග එන සිත් සන්තානේ
නුඹ වෙනුවෙන් මැවූ සිහින බොඳ වී යාදෝ?
කඳුලු බිoදු සීතල වෙයි දෙව්ලිය නාමෙන්
තරු එළියේ ස්වප්නයේ, එන්න මo බලා ඉන්නම්
ලියලා ඉවර කරලා ජනේලෙන් එළිය බැලුවා ම තමයි දෙසැම්බර් මිලානෝ අහසෙ තරු නෑ කියලා එයාට මතක් වුනේ. තරු නෑ කියන්නෙ සුරoගනාවියො, දෙව්ලියො කවුරුත් ඇත්තෙත් නෑ නේද කියලා ඒත් එක්ක ම එයාට හිතුනා. තරු නෑ කියන්නෙ සුරoගනාවියො නෑ. සුර0ගනාවියො නෑ කියන්නෙ ලස්සන හීන නෑ. ලස්සන හීන නෑ කියන්නෙ අර පෙම් මන්දිර ද මොනවා ද නෑ. ඒ කියන්නෙ තියෙන්නෙ කලු ම කලු පාටයි, කොඳු ඇට හිරිවට්ටන හීතලයි විතරයි? එතකොට ඡායා? එයාගෙ ඇස්???
"මට ඔයාගෙ ඇස් දෙක ගන්න පුලුවන් ද? නෑ.. මo කිව්වෙ ඇස් දෙකේ ෆොටෝ එකක්"
එයා ගොත ගහා ගහා "ලොකු ඇස් දෙක" ට කිව්වා.
"ඒ මොකට ද?" ඇස් දෙක සැරෙන් ඇහුවා
"නෑ... මේ.. ඇල්බම් කවර් එකකට. මම හදපු සිoදුවක් තියෙනවා.. ඒකයි.."
"බෑ"
ඇස් දෙක ගස්සගෙන යන්න ගියා.
හරියටම ඊට මාස හයකට විතර කලින් සීත ඉර්තුවේ මිලානෝ නගරෙ දි දැනුන හැඟීම ම කොළඹ නගරෙ ගිනි ගහන අව්වෙ දිත් එයාට දැනෙන්න ගත්තා.
Categories:
Love
,
Memories
|
Leave a comment
Subscribe to:
Posts
(
Atom
)